sheffaf.az
sheffaf.az

Xalq artisti: “Qorxurdum ki, bu günü görməyəm”

9-11-2020, 11:14

Xalq artisti: “Qorxurdum ki, bu günü görməyəm”

“Biz bu gün çəkdiyimiz əziyyətlərə, çətinliklərə baxmayaraq, qürurlu bir gün yaşayırıq. Azərbaycan sözünün qüdrətini, qüvvətini, namusunu-qeyrətini yaşayırıq”.

Bu sözləri Xalq artisti Flora Kərimova AzTV-nin efirində yayımlanan “Qarabağ sədası” verilişində qonaq olarkən deyib.

Şuşanın işğal altında olduğu illərdə qolunun, qanadının sındığını dilə gətirən Flora Kərimova hərbçi oğullara səslənərək onların hər birini oğul adlandıraraq qarşılarında baş əydiyini söyləyib:

“Qorxurdum ki, mən bu günü görməyəm. Hər səhərimə şükür etdiyim bir yaşımda mənə ümid bağışladın. Anan yaşındayam, nənən yaşındayam, oğul. Oğul deyirəm çünki onların hər biri mənim oğlumdur. Mənim xoşbəxtliyim mənə bunu vadar edir. Bu günü bizə sən bağışladın. Mən oğullarımızı öpürəm, bağrıma basıram”.

F.Kərimova qeyd edib ki, xoşbəxt günlər görmüşdük amma gözlərdə belə xoşbəxtlik görünmürdü:

“Vətən başqadır. Ana vətən sevgisi bir başqa olur. Qadınlarımız o qədər qürurludur ki, göz yaşlarını gizlətməyə çalışırlar. Bu dəqiqə desələr ki, gedək döyüşə. Hər birimiz gedərik. Azərbaycan xalqını təbrik edirəm”.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
XƏBƏR LENTİ
BÜTÜN XƏBƏRLƏR
XARİCİ SİYASƏT
ŞOU-BİZNES
«    Dekabr 2020    »
BeÇaÇCaCŞB
 123456
78910111213
14151617181920
21222324252627
28293031